Бројот на жртвите од моќното невреме што ја зафати Аргентина за време на викендот се искачи на вкупно 16 лица во Аргентина и во соседен Уругвај.
Уругвајската метеоролошка агенција соопшти дека две лица загинале кога силни налети на ветар го зафатиле југоисточниот дел во неделата рано наутро, пренесува Ројтерс.
Во Аргентина, една жена почина рано во неделата откако ја удри гранка од дрво во градот Морено, јавија локалните медиуми.
Тринаесет други загинаа во саботата во градот Баија Бланка откако се урна ѕид за време на невремето.
Аргентинскиот претседател Хавиер Милеи го посети местото на несреќата во неделата.
Силните ветрови урнаа и дрвја и светлосни столбови во главниот град Буенос Аирес.
