Обилните дождови ги погодија австриските алпски региони, оставајќи под вода делови од Виена, а невремето предизвика штети во делови од земјата и го прекина патниот и железничкиот сообраќај, соопштија властите и локалните медиуми. Поројниот поток носеше автомобили во ски-центарот Сент Антон во западна Австрија, а рекордни дождови погодија делови од Виена на истокот од земјата, објави ОРФ.
Од силината на поројот во северниот дел на Виена, една жена заврши под автобус и во критична состојба е пренесена во болница, пренесува Б92.
Vienna 17.08.2024#storm #wind #rain #flood pic.twitter.com/leKb0593lN
— WORLD.STORM (@worldstormm) August 17, 2024
Противпожарните служби примија околу 450 повици во Виена, откако невремето предизвика сообраќаен колапс и го прекина железничкиот сообраќај.
Невремето и дождовите предизвикаа големи штети во многу делови на Австрија“, изјави австрискиот канцелар Карл Нојхамер на платформата „Икс“.
Во виенската област Доблинг наврнале 110 литри дожд на метар квадратен, што е рекорд за август.
Метеоролозите велат дека за еден час врнело дожд во главниот град на Австрија, како што врнело речиси цело лето.
ОРФ потсетува дека во август во просек паѓаат 68 литри дожд на метар квадратен.
