Најгледаната серија на Нетфликс повеќе нема да биде само фикција, сервисот за стриминг го одобри снимањето на „најголемото реално шоу во историјата“ под името „Игра со лигњи: предизвик“.
За разлика од серијата во која се игра животот и смртта, најлошата судбина што може да ги чека 456 играчи во ова натпреварување ќе биде заминувањето дома без главната награда од 4,56 милиони долари, за која Нетфликс тврди дека е најголемата награда во историјата на реалити телевизијата.
„Игра на лигњи“, откако беше прикажан за прв пат во септември 2021 година, стана најгледаната серија на Нетфликс и ги следи натпреварувачите кои играат детски игри за да добијат шанса да освојат големи суми пари што ќе им го променат животот.
Првата сезона го држи рекордот за најгледана серија на Нетфликс на сите времиња, а во првите 28 дена од прикажувањето, според Нетфликс се гледани вкупно 1,65 милијарди часа од серијата.
Во реалното натпреварување играчите ќе поминат низ 10 епизоди на игри од оригиналната серија, но и некои нови.
Реалното шоу Нетфликс ќе се снима во Обединетото Кралство и првично ќе вклучува само англиски говорници. Оваа објава дојде неколку дена откако беше потврдена втората сезона на оригиналната серија.
