Израелскиот премиер Бенјамин Нетанјаху свика „воен кабинет“ во израелската армиска база во Тел Авив набргу откако објави дека „огромен и невиден“ пакет воена помош обезбеден од американскиот претседател Џозеф Бајден ќе му помогне на Израел да победи во војната против Хамас.
Во средата, Бајден помина нешто помалку од осум часа во посета на Тел Авив. Во своето обраќање тој рече дека САД ќе направат се за да го зачуваат Израел безбедно. Тој го повика Израел да не го води гневот и рече дека повеќето Палестинци не се дел од Хамас.
„Бев огорчен и тажен поради огромната загуба на животи во болницата во Газа“, рече Бајден.
Бајден, зборувајќи за неговата поддршка за Израел, ги спореди нападите на Хамас со холокаустот.
„Нема да стоиме настрана и повеќе да не правиме ништо. Не денес, не утре, никогаш“, рече Бајден.
Соединетите Американски Држави ставија вето на резолуцијата на Советот за безбедност на ОН со која би се дозволила доставување хуманитарна помош во Појасот Газа. „За“ гласаа 12 членки на Советот за безбедност, додека Русија и Велика Британија беа воздржани.
Амбасадорката на САД во Обединетите нации Линда Томас-Гринфилд објасни дека САД ставиле вето на резолуцијата на Советот за безбедност за ситуацијата на Блискиот Исток бидејќи во бразилската нацрт-резолуција не се споменува правото на Израел на самоодбрана.
Како што јави РТС, шефот на палестинската управа, по состанокот во Рамала на Западниот Брег, објавил дека присилното раселување на жителите на Газа е „црвена линија што не смее да се помине“.
