Прекинот на огнот во Појасот Газа зависи од ослободувањето на заложниците кои ги држи Хамас, изјави израелскиот премиер Бенјамин Нетанјаху.
„Израел обезбедува безбедни коридори за цивилите кои се протегаат од север до југ на Појасот Газа, низ кој само вчера поминаа 50.000 жители на Газа“, се додава во соопштението од канцеларијата на Нетанјаху, пренесува Анадолија.
Нетанјаху ги повика жителите на Газа да се упатат кон југ, повторувајќи го она што го кажа пред неколку недели, иако продолжуваат израелските напади врз јужниот дел на Газа.
Претходно во четвртокот израелската војска објави дека „нема прекин на огнот во Газа, туку ограничени тактички и локални паузи“.
И покрај меѓународните повици и апели за хуманитарен прекин на огнот, израелската влада продолжува да се спротивставува на договорот, иако Белата куќа во четвртокот соопшти дека Израел се согласил на четиричасовни дневни хуманитарни паузи во северниот дел на Газа.
Според Министерството за здравство во Газа, повеќе од 10.000 цивили се убиени, вклучително и повеќе од 4.000 деца, од почетокот на конфликтот на 7 октомври по прекуграничен напад на Хамас.
