Израелскиот претседател Исак Херцог ќе побара од политичкиот ветеран Бенјамин Нетанјаху да формира нова влада, објави во петокот кабинетот на претседателот.
Херцог одржа консултации со партиите кои влегоа во парламентот и 64 од 120 пратеници го поддржаа Нетанјаху да формира коалиција, се вели во соопштението.
Партијата Ликуд на поранешниот премиер Нетанјаху победи на минатонеделните избори, ставајќи крај на кризата во Израел по пет избори во изминатите четири години.
Нетанјаху најверојатно ќе се здружи со екстремно десничарските и верските партии за да обезбеди стабилно парламентарно мнозинство.
На Нетанјаху, на најдолговечниот премиер во историјата на Израел, му се суди за корупција, што тој го негира.
