Израелските сили ќе останат во тампон зона на сириската граница, вклучувајќи го и врвот на планината Хермон, додека не се постигне друг договор за обезбедување на безбедноста на Израел, изјави израелскиот премиер од највисоката точка на Хермон, јави Асоишејтед прес.
Израел ја освои тампон зоната голема приближно 400 квадратни километри по падот на режимот на сирискиот претседател Башар ал Асад. Критичарите велат дека Тел Авив го прекршил примирјето од 1974 година и го искористил хаосот во Сирија.
Планината од која се обрати Нетанјаху е демилитаризирана зона поделена меѓу Голанската висорамнина, припоена од Израел, Либан и Сирија.
Само САД ја признаа израелската анексија на Голан.
