Круната на кралицата Елизабета Втора, која стоеше на врвот на ковчегот за време на вчерашниот погреб, заедно со сите вредни предмети, била зацврстена од страна на златари за да не падне од ковчегот, пишува Дејли Мејл. Причината за претпазливост било тоа што ова се случило еднаш претходно и се сметало за исклучително лош знак!
Имено, на погребот на кралот Џорџ Петти, во 1936 година, парче од кралскиот накит украсен со некои од најголемите скапоцени камења во колекцијата, паднало од ковчегот и се тркалало до одводот за отпадни води на страната на патот. Тогаш сите биле убедени дека ова е исклучително лош знак, а кралското семејство го следеле неколку тешки години – следниот крал, Едвард Осми, набргу потоа абдицирал и создал уставна криза во монархијата, за да го замени таткото на кралицата Елизабета, Џорџ VI.
Во кралското семејство и традицијата има и еден необичен ритуал. Имено, круната не sе погребува со кралицата, бидејќи се смета дека нејзината служба како кралица е завршена. Па така, во кралската крипта, каде што Елизабета Втора е погребана покрај нејзиниот сопруг, таа влегла како „обична христијанска душа“, а не како владетел.
Круната живее и понатаму, сега на главата на Чарлс III.
