Група активисти кои се залагаат за човекови права денеска ја пречекаа претседателката на Европската комисија, Урсула фон дер Лајен, која пристигна во Претседателството на БиХ, пренесува Н1.
Активистите стоеја спроти зградата на Претседателството на БиХ во Сараево со транспаренти.
„ЕУ и Фон дер Лајен соучесници во геноцидот во Газа“ и „Престанете на огнот сега“, беа пораките испишани на транспарентите.
Фон дер Лајен пристигна во БиХ како дел од нејзината четиридневна посета на Македонија, Косово, Црна Гора, Србија и Босна и Херцеговина.
За време на посетата на Босна и Херцеговина, претседателката на ЕК ќе го претстави Планот за раст за Западен Балкан како и патоказот на регионот кон Европската унија.
Претходно, неколку протести за поддршка на Газа беа одржани во Сараево, како и во други градови на Босна и Херцеговина, на кои се повика на мир и на прекин на огнот.
