Ирскиот актер Пол Мескал, ѕвездата на филмот „Гладијатор II“, неодамна присуствуваше на лондонската премиера на филмот. Таму го запознал кралот Чарлс III, а неговиот коментар за средбата станал хит на мрежите.
На X се појави видео на кое новинар од магазинот Вараџети го прашува Пол каков впечаток му оставила средбата на кралот.
Тоа не е нешто што мислев дека е во моите карти“, изјави 28-годишниот Ирец.
„Јас сум Ирец, тоа не беше на мојата листа на приоритети. Но, тоа беше прекрасно за Ридли бидејќи знам колку му значеше. Тешко ми беше да го слушнам разговорот бидејќи бев многу збунет, па само кимнав со главата и се насмеав“, додаде Мескал.
Неговиот коментар набрзо предизвика лавина реакции на мрежите, а видеото е прегледано повеќе од 300 илјади пати. За многумина, односот меѓу британската монархија и Ирска е сè уште чувствителна тема, поради што го критикуваа прашањето што му беше поставено на Мескал.
„Мислам дека е многу несоодветно да се прашуваат Ирците за британското кралско семејство“, „Зошто воопшто го прашал тоа“, „Ги сакам реакциите на Ирците кога се принудени да се сретнат со кралското семејство“, „Замислете да прашате Ирец како беше да се запознаеш со кралот. Тоа е исто како да одите до Кинез и да го прашате што мисли за средбата со јапонскиот император! Читајте книга за историја, за свое добро“, се дел од коментарите на ова видео на Х, пренесува Индекс.
