Ненадејно почина музичарот Јурица Поповиќ и животен сопатник на дизајнерот Матија Вуица.
Музичарот Јурица Поповиќ ненадејно почина на 66-годишна возраст, пишува Вечерњи.хр.
Познатиот музичар и животен сопатник на дизајнерот и музичар Матија Вуица професионално се занимава со музика од 1981 година.
Основач е на групите Trotakt Projekt (1981) и Gracia (1989). Тој е автор (композитор, текстописец, аранжер и продуцент) на неколку стотици песни изведени од овие две групи, а се јавува и како кантавтор под името диџеј поп, пишува на страниците на Хрватското друштво на композитори за Јурица. Богата кариера на Поповиќ.
Тој е креатор и на детскиот лик Симпатико, кој преку песна ги едуцира луѓето за потребата од развивање социјална свест и помагање на другите. Стилскиот опсег на неговите дела се движи од алтер рок (проект Тротакт во осумдесеттите), етно поп (Грација во деведесеттите), електро поп (диџеј поп во 2000-тите) до инструментална музика.
