Во Берлин на новогодишната ноќ избувнаа нереди во кои демонстрантите користеа петарди и ракети за огномет. Уапсени се повеќе од 300 луѓе.
Најмалку 15 полицајци се повредени, а повеќе од 300 лица се уапсени во немирите во Берлин на новогодишната ноќ. Демонстрантите, главно млади, меѓусебно се нападнале со петарди и ракети, пренесува Билд. Најголемите судири се забележани пред Црвеното градско собрание кај Александарплац.
Немири избувнаа и во Лихтенраде, јужно предградие на Берлин. Десет лица со тешки повреди се примени во болница во Берлин.
Гореше и пензионесрки дом
Во Нојколн гореше пензионерски дом. Наводно, ракетата влетала низ прозорецот. Никој не е сериозно повреден, неколку лица настрадале од вдишување чад.
На Sonnenallee во Нојкелн беа запалени барикади направени од дрвени палети, но полицијата набрзо ги отстрани. Нашле и скривалиште исполнето со готови молотови коктели за употреба.
Полицијата ги растера противниците на Израел кои спонтано се собраа да извикуваат антиизраелски пароли. „Ова е Нојколн, Германија е на друго место“, рече еден од учесниците во немирите на новинарот на Билд.Немири во други делови на Германија
Полицијата уапси 20 лица во Франкфурт на Мајна откако стотици млади луѓе фрлаа петарди на други славеници и полицајци.
