Исламската Република Иран разви ново беспилотно летало кое Русија може да го користи за да ја нападне Украина, а безбедносен извор за „Sky News“ изјави дека Техеран наскоро ќе ѝ достави на Москва ракети земја-земја.
Беспилотното летало „Шахед-107“ е опишано како „експлозивен“ извидувачки дрон што може да погоди цели со висока вредност како што се ракетни фрлачи со повеќе цевки што им ги доставувале на Украинците од САД и Велика Британија.
Споменатиот извор за „Sky News“ изјавил дека е можно на Русија да ѝ биле понудени неколку парчиња „Шахед-107“ по цена од повеќе од два милиони долари. Ова покажува дека Иран прави големи напори да ги поддржи руските напади во Украина, додаде изворот. Украина и Западот тврдат дека Техеран веќе испратил стотици беспилотни летала камикази. Станува збор за беспилотни летала „Шахед-131“ и „Шахед-136“.
Безбедносениот извор за „Sky News“ изјавил дека дронот „Шахед-107“ е заснован на дизајнот на беспилотните летала „Шахед-101“, кои имаат опашка во облик на „V“.
