Владејачката ВМРО-ДПМНЕ нема да ја поддржи иницијативата за интерпелација на претседателот на Собранието Африм Гаши, најави денеска премиерот Христијан Мицкоски. Тој рече дека партија има голем број на аргументи за таквиот став, а иницијативата, според него, е глупава и незрела.
– Ова е незрело, би рекол глупаво однесување на коалицијата СДСМ, ДУИ и Левица и дека апсолутно нема никаков основ за интерпелација на спикерот Гаши и ние нема да ја поддржиме таквата иницијатива и имаме голем број аргументи зошто тоа не треба да го направиме, затоа што разликата во водењето на Македонија од оваа влада и онаа влада предводена од СДСМ и ДУИ е огромна и тоа веќе се чувствува насекаде – рече премиерот Мицкоски.
Интерпелацијата е закажана за утре.
