Американската амбасада во Приштина соопшти дека во претходните 24 часа од нивниот официјален профил на Твитер, ниту една објава на таа социјална мрежа не била „намерно лајкувана”, вклучувајќи го и твитот на претседателот на Србија, Александар Вучиќ, кој напиша дека девет земји во светот ќе го повлечат признавањето на Косово.
„Официјалниот Твитер профил на Амбасадата на САД намерно не „лајкувал” ниту еден твит во последните 24 часа. Ја истражуваме ситуацијата за да утврдиме што се случило. Како што споменавме претходно, кога нешто артикулираме, тоа го правиме преку официјални изјави, а не преку „лајкови” на социјалните мрежи”, се наведува во соопштението.
На Твитер профилот на американската амбасада претходно беше посочено дека им се допаѓа објавата во која српскиот претседател Александар Вучиќ објави дека девет земји го повлекле признавањето на Косово.
По бурните реакции, американската амбасада утрово ја отстрани ознаката дека ѝсе допаднал твитот на српскиот претседател.
Но, тука не завршува фијаското со профилите во Србија. Меѓу другото, хакери од групата „Анонимус“ се јавија да кажат дека ја хакнале веб-страницата на Војската на Србија, но и страната vucic.rs. Групата испратила нови пораки до претседателот на Србија, Александар Вучиќ, во кои наведуваат дека ќе „го натераат да плати висока цена”.
„Фашисто Александар, не поминувај време со твоите кучиња. Вашата војска сега не може да лае. Не ги потценувајте Анонимусите, ќе ви ставиме поводник”, напиша тие на објавата.
Пораките од „Анонимуси” доаѓаат откако претходно претседателот на Србија објави фотографија како си игра со кучиња со текст „Се подготвуваме да се бориме против анонимноста”. „Анонимуси” на крајот на минатиот месец објавија пораки со наводи дека Вучиќ „иницира провокации на северот на Косово и се обидува да предизвика вооружен конфликт”.
На Твитер се појави и профилот „Anonymous TV” со украинско знаме (@youranontv), кој ја објави првата порака на крајот на декември и на кој сега се наведува дека се подготвени да одговорат на „предизвикот” на Вучиќ.
„Путинова марионето, Александар Вучиќ, бидејќи си подготвен да не предизвикаш, ние ќе ти ја исполниме желбата. Ова е само почеток, а наскоро ќе бидете сведоци на големи изненадувања од наша страна. Чекајте не”, се наведува во објавата.
Твитер пораките се споделуваат преку сите налози кои во имињата содржат „Анонимуси”, а имат десетици до неколку стотици илјади следбеници.
