Новиот филм на Деми Мур „The Substance“ ја остави публиката која го гледаше во шок, а додека некои ги напуштале киносалите по само неколку минути, имало и такви кои повраќале по проекцијата.
Филмот предизвика бурни реакции на социјалните мрежи, а гледачите ги споделија своите впечатоци. Има такви кои признаа дека не можат да престанат да размислуваат за него, а други раскажуваат како повраќале по проекцијата.
Една гледачка се огласи на социјалната мрежа Икс за да го сподели своето искуство, велејќи дека нејзиниот партнер не ѝ дозволил да си оди дома со него за да не повраќа пред неа.
Како што пишува британски „Сан“, друг гледач на филмот во Лондон рекол: „Најмалку 20 луѓе излегоа од мојата проекција на Лестер Сквер пред крајот. Беше брутално. Повеќето луѓе го гледаа со подзатворени очи. Тоа беше најграфичкиот филм што некогаш сум го гледал“.
Во „The Substance“, Деми Мур ја игра Елизабет Спаркл, остарена славна личност која користи дрога за да создаде помлада верзија од себе, која ја игра ќерката на Енди Мекдауел, 29-годишната Маргарет Квали.
Деми претходно изјави за нејзината улога: „Кога го прочитав сценариото си помислив, „ова може да биде навистина неверојатно – или може да биде катастрофа“. Така што, секако, морав да кажам да“.
Таа го спореди искуството со нејзината улога во филмот „Ghost“, додавајќи: „Чувствувам дека „Ghost“ беше многу сличен, но мислам дека кога ќе се истуркаме од нашата комфорна зона и нешто нè плаши, секогаш нѝ е малку подобро. Дури и ако не успее“.
