Бебе родено под урнатините во Јендерес, на североистокот на Сирија, пристигна во домот на роднина.
Ја посвоиле тетка и и ѝ го дале името Афра, по нејзината мајка која починала по породувањето под урнатините каде што се нашла по разорните земјотреси.
Девојчето е пуштено од болница откако ДНК тестот ја потврдил нејзината врска со нејзината тетка.
Афра ќе порасне без нејзината мајка и татко, кои загинаа во земјотресите што ги погодија јужна Турција и Сирија на 6 февруари. Бебето имало модринки и расекотини кога го извлекле од урнатините.
Нејзини најблиски роднини се нејзината тетка и вујко, чија куќа исто така беше уништена во земјотресот. Афра и нејзиното ново семејство привремено ќе живеат во шатор.
Вујкото на девојчето Калил Шам Савади изјави дека за време на земјотресот успеал да ги извлече сопругата и децата од куќата и дека тие се спасени. Но, тоа не беше случај со семејството на бебето Афра.
Како што рече, Афра сега е во добра здравствена состојба.
„Афра е спомен од нејзиниот татко. Целото нејзино семејство починало. Нејзиниот татко ми беше поблизок од брат ми“, изјави Халил.
Спасувачите го пронашле бебето повеќе од 10 часа по земјотресот. Сè уште била поврзана со папочната врвца со нејзината мајка која била мртва заедно со нејзиниот сопруг и уште четири други деца.
