Денешната седница на Владата, која според ветувањето на премиерот Димитар Ковачевски, точка на дневен ред треба да биде разрешувањето на директорите, управниот и надзорниот одбор на М-НАВ, според сознанијата кои ги има Охридскај нема да помине така лесно. Како што дознава редакцијата Охридскај, членовите на Владата од ДУИ барале денешната седница, каде е на дневен ред се разрешувањата на М-НАВ да биде затворена седница.
Според изворот на Охридскај од Владата на РСМ, министрите од редовите на ДУИ остро се спротивставиле на разрешувањата на раководната структура предводена од Беким Незири, и воопшто не се знае каков ќе биде исходот на седницата, посебно што првиот вицепремиер Артан Груби остро му се спротивствил на Димитар Ковачески.
