„Не е знак на храброст со кола да газиш врз знамето на државата во којашто живееш“.
Ова е ставот на поранешниот министер за финансии и политички аналитичар Џевдет Хајредини, по вчерашните инциденти кои се случија за време на прославата на Денот на Албанија по скопските улици.
Осуда за уништувањето на македонското знаме пристигна скоро од сите политички партии – и од македонскиот и од албанскиот блок, а министерот за внатрешни работи Панче Тошковски утрово информираше дека приведени се 8 лица и дека е фатено лицето кое го искина македонското знаме.
