Шест натпревари од НБА лигата беа на програмата од вторник кон среда навечер, а феноменалниот Кајри Ирвинг го „грабна“ кошот на Шарлот Хорнетс во победата на Бруклин Нетс 132-121.
Ирвинг постигна дури 50 поени, а освен тоа имаше и 6 асистенции и 3 скока за нешто повеќе од 37 минути поминати во игра. Го следеше Драмонд со дабл-дабл игра од 20 поени и 14 скока. Дурент и Браун постигнаа по 14 поени, а Милс 12.
Од друга страна, Бриџис и Розие постигнаа по 30 поени, буквално половина од поените на Хорнетс. ЛаМело Бол додаде 24.
Милвоки Бакс се израмни на петтата победа победувајќи ја Оклахома на гости со 142-115. Џанис Антетокунмпо го одигра најдобриот натпревар постигнувајќи 39 поени и додавајќи 7 скока и асистенции за нешто повеќе од 27 минути. Ним им се придружија Мидлтон со 24 и Портис со 18 прекини.
Во тимот на Тандер одличен меч забележа Шаи Гилгеус-Александер со 33 поени, 14 асистенции и 8 скока. Вотерс III постигна 16, а Покушевски 13 со 7 скока.
Во другите натпревари, Мемфис го совлада Њу Орлеанс со 132-111. Си Џеј МекКолум кај Пеликанс постигна 32 поени и 11 асистенции, додека од другата страна во редовите на Гризлис најрасположен беше Џа Морант со 24 поени и 8 скока и 8 асистенции.
ДеАндре Ајтон одигра фантастичен натпревар со 21 поен и 19 скока во 52-та победа на најдобриот тим во лигата. Феникс Санс триумфираше против Орландо со 102-99.
Кливленд Кавалирс забележа победа од 127-124 против Индијана, а најдобар поединец на натпреварот беше Дариус Гарланд од Кливленд со 41 поен и 13 асистенции.
