Невремето во Париз не стивнува. Веста за суспензијата на Лионел Меси започна вистинска лавина, а и Нејмар беше силно погоден од навивачите на ПСЖ.
Вчера пред просториите на клубот пристигнаа неколку стотици навивачи кои го изразија своето незадоволство од работата на управата, но и од однесувањето на најголемите ѕвезди на клубот. Ги гаѓале со разни навреди, но не застанале тука.
Група навивачи решија да го посетат Нејмар, пристигнаа на вратата од неговата куќа и јасно му кажаа што мислат за него:
„Нејмар, оди“, се слушаше низ улиците на Париз, но бразилскиот фудбалер реши уште малку да ги разбранува работите. За се е виновен еден „лајк“, поточно на објава на Инстаграм во која навивачите на парискиот клуб ги нарекуваат „мали и фрустрирани момци“.
Ова би можело дополнително да ги заостри и онака заладените односи меѓу бразилскиот фудбалер и навивачите на Пари Сен Жермен…
