Ниското ниво на морето, поради што во последните денови некои канали пресушија и гондолите останаа на суво, е невообичаена глетка за туристите кои доаѓаат да ја посетат Венеција.
Сепак, тоа е „многу вообичаен“ феномен, изјави во вторникот за АФП Алвисе Папа, раководител на центарот за предвидување на порастот на морското ниво во Венеција.
„Околу 70 проценти од феноменот на ниска вода се случува токму во овој период, во јануари и февруари.
Ниското ниво на морето не е доволно за каналите да пресушат, но оваа година е придружено со антициклон со зголемен атмосферски притисок кој го спречува доаѓањето на промените.Зимските нарушувања, придружени со ветер и дожд, вообичаено влијаат на покачувањето на нивото на морето, што не е случај годинава.
„До 2007-2008 г оваа појава можеше да се следи секоја година, потоа веќе немавме ниско ниво на морето како она на кое сме сведоци во последните денови“, рече тој, додека љубопитните погледи на туристите ги привлекуваат голите темели на зградите покрај некои канали.
Станува збор за необична глетка, бидејќи во спротивно на градот на венецијанскиот дуж му се заканува спротивен феномен, односно „висока вода“ или екстремно висока плима која редовно го помодрува познатиот плоштад Свети Марко.
Од октомври 2020 година, градот и лагуната се заштитени со вештачкиот систем на брана MOSE (Мојсеј на италијански), кој се активира кога нивото на Јадранското Море ќе се искачи на 110 см.
Одговарајќи на прашањето за можната поврзаност на ниската вода деновиве и сушата што зафати дел од Европа како последица на климатските промени, експертот рече: „Утре ќе се вратиме во нормала“, рече тој со самоуверен тон.
