Најновото научно истражување откри дека гасовите што се ослободуваат од мистериозните кратери во рускиот Сибир, како и големите пожари кои се сè почести во тој дел на Русија, придонесуваат за загадување на атмосферата и за забрзани климатски промени.
Кратерите на сибирските полуостровови Јамал и Гајдан настанале како резултат на експлозии на метан под земја, а научниците го истражуваат овој феномен и гасовите кои кратерите продолжуваат да ги испуштаат.
Првиот од кратерите се појави во 2014 година на полуостровот Јамал, кој се смета за најголем резерват на природен гас во светот.
Експертите, кои снимиле и испитувале 20 кратери, заклучиле дека тие настанале како резултат на експлозии на метан под влијание на глобалното затоплување.
