Поранешниот секретар на командантот на нацистичкиот концентрационен логор е осуден за соучесништво во убиство на 10.505 луѓе.
Ирмгард Фурнер (97) работела како тинејџерка дактилографка во Штутхоф од 1943 до 1945 година, јавува Би-Би-Си.
Фурнер, една од само неколкуте жени на кои им се суди за нацистичките злосторства во последните децении, доби двегодишна условна затворска казна.
Иако била цивилен работник, судијата се согласил дека е целосно свесна што се случува во тој концентрационен логор.
Околу 65.000 луѓе загинаа во ужасните услови во Штутхоф, вклучувајќи еврејски затвореници, нееврејски Полјаци и заробени советски војници.
Штутхоф, кој се наоѓа недалеку од денешниот полски град Гдањск, користел различни методи за убивање на затворениците, а илјадници завршиле во гасни комори од јуни 1944 година.
Судот во Ицехо во северна Германија ги сослуша преживеаните од кампот, од кои некои починаа за време на судењето.
Кога започна судењето во септември 2021 година, Ирмагрд Фурнер побегна од домот за стари лица во кој се наоѓаше и подоцна беше пронајдена од полицијата на улица во Хамбург.
Командантот на Штутхоф Пол-Вернер Хоуп беше приведен во 1955 година за соучество во убиството и ослободен пет години подоцна.
Серија судења беа започнати во Германија од 2011 година, кога пресудата на поранешниот чувар на концентрациониот логор Џон Демјанјук создаде преседан дека да се биде чувар е доволен доказ за да се докаже соучесништво.
Таа пресуда овозможила и цивилната работничка Фурнер да биде изведена пред судот, бидејќи работела директно за командантот на концентрациониот логор, а се занимавала со кореспонденција поврзана со затворениците од Штутхоф.
На Фурнер ѝ беа потребни 40 дена да зборува на судењето, кога пред судот изјави „Жал ми е за се што се случи“.
Со оглед на тоа дека во времето кога работела како секретарка во концентрациониот логор, таа била помлада од 21 година, судењето било пред специјален суд за малолетници.
„Жалам што бев во Штутхоф во тоа време – тоа е сè што можам да кажам“, изјави таа.
Нејзините бранители рекоа дека таа треба да биде ослободена поради сомневањата за тоа што го знаела, бидејќи таа била една од дактилографките во канцеларијата на Хоуп.
Сепак, историчарот Штефан Хердлер, кој одигра клучна улога во процесот, го посети кампот придружуван од двајца судии. Потоа откриле дека Фирнер можел да види некои од најлошите работи што биле направени во логорот од канцеларијата на командантот.
Историчарот на судењето рече дека 27 транспортери со 48.000 луѓе пристигнале во Штутхоф помеѓу јуни и октомври 1944 година, откако нацистите решиле да го прошират логорот и да го забрзаат масовното убивање со палење на гасот Зиклон Б.
Хердлер ја опиша канцеларијата на Хоуп како мозокот на сè што се случи во Штутхоф.
Судењето на Фурнер би можело да биде последно во Германија за злосторства од нацистичката ера, иако се истражуваат неколку други случаи, наведува Би-Би-Си.
