НАТО верува дека над еден милион луѓе се убиени или повредени во Украина, откако Русија ја започна својата инвазија врз земјата во февруари 2022 година, јави ДПА.
– Секоја недела има над 10.000 убиени или ранети од сите страни во Украина. Секој ден, оваа војна предизвикува сè повеќе пустош и смрт – изјави денеска во Брисел генералниот секретар на НАТО, Марк Руте.
Украинскиот претседател Володимир Зеленски претходно изјави дека досега во војната се убиени 43.000 украински војници. Покрај тоа, уште 370.000 војници биле третирани од различни воени повреди, од кои половината се вратиле на воена служба.
Новоизбраниот американски претседател Доналд Трамп неодамна наведе слични бројки.
На социјалните мрежи тој напиша во војната до денеска има 600.000 убиени или ранети руски војници и околу 400.000 украински жртви.
