НАТО објави дека испраќа уште 200 дополнителни војници во Косово како дел од мировната мисија КФОР, потврди портпаролот на Алијансата Дилан Вајт.
Оваа распределба беше одобрена во неделата, на 1 октомври, на барање на врховниот командант на сојузничките сили за Европа, јавува Радио Слободна Европа.
Дополнителни двесте војници ќе се приклучат на британскиот контингент од 400 војници кои дејствуваат на Косово.
Алијансата потврди дека ќе следи дополнително засилување на војниците на КФОР од другите земји-членки.
„Одлуката уследи по нападот врз косовската полиција на 24 септември и ги зголеми тензиите во регионот“, потврди Вајт во писмото што го испрати до медиумите.
Тој наведува дека оваа одлука е внимателен чекор за да се осигури дека силите на КФОР ги имаат потребните капацитети за исполнување на нивниот мандат и одржување на безбедна средина и слобода на движење за сите луѓе во Косово.
„Ги повикуваме Белград и Приштина повторно да се вклучат во дијалог со посредство на Европската унија, што е единствениот начин да се постигне траен мир и стабилност за сите заедници. Сите страни треба да се воздржат и од запалива реторика, која е контрапродуктивна и ризикува дополнително да ги влоши тензиите“, се вели во писмената изјава на портпаролот на НАТО.
Ова е второ засилување на трупите на НАТО во Косово во недела и во светло на нападот на косовските полицајци на северот на земјата на 24 септември.
