Во денешното соопштение, НАТО наведе дека „овластила дополнителни сили за решавање на моменталната ситуација“ на Косово, но не прецизираше колку дополнителни војници испраќа или од кои земји.
Во денешното соопштение, Северноатлантскиот совет денеска се состана на разговори за ситуацијата на Косово, а сојузниците изразија длабока загриженост поради растечките тензии.
„Мисијата на НАТО КФОР одржува видливо и агилно присуство низ Косово. Секогаш ќе ги преземеме сите неопходни активности за одржување на безбедна средина и слобода на движење за сите луѓе кои живеат во Косово. Тоа го правиме непристрасно и во согласност со нашиот мандат од ОН“, се вели во соопштението.
„Од мај го зајакнавме присуството и држењето на КФОР. Само вчера Северноатлантскиот совет овласти дополнителни сили да се справат со актуелната ситуација“, се наведува и се додава дека НАТО ќе се погрижи командантот на силите на терен секогаш „да ги има ресурсите и флексибилноста потребни за КФОР да го исполни својот мандат“.
„Ги повикуваме сите страни веднаш да се деескалираат. Ние продолжуваме да ги охрабруваме Белград и Приштина да се вклучат во дијалогот со посредство на ЕУ, како единствен начин за решавање на отворените прашања и постигнување решенија кои ги почитуваат правата на сите заедници. Ова е клучно за трајната безбедност на Косово и стабилноста во регионот“, се наведува.
