Наскоро играниот филм „Малата сирена“ според истоимениот култен цртан филм ќе се најде на кино салите низ Србија.
Екипа од актери и музичари им ги позајми гласовите на ликовите за да ја оживеат оваа креација на Дизни.
Гласот на принцезата на Дизни, сирената Ариел, го позајми пејачката Ирина Арсентијевиќ. Душан Свилар му помогна на принцот Ерик да дојде до израз, додека Ѓорѓе Давид го интерпретирал гласот на кралот Тритон.
Незаборавниот лик на Урсула и припадна на пејачката Тијана Дапќевиќ, додека во улогата на забавниот галеб Скутла се најде пејачката Едита Арадиновиќ. Гласот на познатиот рак Себастијан го дава актерот Милан Тубиќ.
Несомнено е дека ова беше предизвик за пејачите, но судејќи по коментарите кои кружат на социјалните мрежи, сите едвај чекаат да го погледнат филмот и да дознаат како тие ги интерпретирале главните ликови.
Во продолжение погледнете го видеото како Тијана се снајде како една од најпознатите вештерки на „Дизни“:
ФОТО: Инстаграм
