Накратко избувна пожар на руски нуклеарен мразокршач
Руското Министерство за цивилна одбрана, вонредни ситуации и катастрофи соопшти дека избил пожар на мразокршач на нуклеарен погон во северното пристаниште Мурманск, но брзо бил изгаснат.
Во соопштението на министерството на каналот Телеграм, се наведува дека пожарот избувнал доцна во неделата во кабината на бродот Севморпут, а потоа се проширил на околу 30 метри квадратни.Пожарот бил изгаснат околу еден час по првата пријава за пожар и нема повредени.
Во соопштението не се наведува која би можела да биде причината за пожарот ниту колку пожарот дошол до нуклеарниот реактор.
Мразокршачот Севморпут во моментов е единствениот нуклеарен товарен брод во служба во Русија.
