Ирански пустинjaк наречен „највалкан човек на светот“ затоа што не се туширал повеќе од половина век, починал „од старост“ во својата десетта деценија.
Аму Хаџи (95) почина во неделата во селото Дејгах во јужната провинција Фарс, јави агенцијата Ирна. Локалните медиуми објавија дека Хаџи, кој „секогаш бил покриен со прашина и живеел во колиба со чакал, не се капел ниту со вода ниту со сапун повеќе од 60 години.
Мештаните и соседите објаснуваат дека Аму имал „одредени емоционални проблеми“ во младоста, поради што одбил да се капе, пренесе РТС.
Техеран Тајмс во 2014 година објави дека Аму пушел луле исполнето со животински измет и верува дека чистотата ќе го разболи. На некои фотографии се гледа како пуши неколку цигари во исто време. Но, пред неколку месеци селаните го наговориле за прв пат да се избања, пренесе агенцијата Ирна.
Сличен живот водел и Индиецот Калај Синг, кој исто така не се капел поголем дел од својот живот.
Во 2009 година, Hindustan Times објави дека Синг, од село надвор од градот Варанаси, не се измил повеќе од 30 години во обид да помогне да се стави крај на „сите проблеми со кои се соочува нацијата“, како што рече.
Тој одбил контакт со вода во корист на, како што рече, „огнена бања“.
„Секоја вечер кога селаните се собирале, Калеј палел оган, пушел марихуана и стоел на едната нога молејќи му се на богот Шива“, објави весникот, цитирајќи го Синг: „Тоа е како да користите вода за капење. Топлата бања помага да се убијат сите бактерии и инфекции во телото“.
