Минусни температури утрово се забележани во целата држава. Најстудено е во Берово -11, скопски Петровец и Маврово -9, Битола -8, Крива Паланка, Тетово, Штип, Демир Капија и Струмица -7, Скопје, Охрид, Дебар и Попова Шапка -5, во Кавадарци, Велес, Куманово, Гевгелија -4 и во Дојран -2 степена.
УХМР соопшти дека најмногу снег има во Маврови Анови 10 сантиметри, на Попова Шапка 4, а во Крушево 3 сантиметри.
Во текот на ноќта беше ведро, утрово е сончево и студено. Дува слаб ветер претежно од северен правец.
Времето денеска ќе биде сончево со слаб до умерен ветер од северен правец. Максималната температура ќе биде во интервал од 4 до 12 степени.
Во Скопје сончево со слаб ветер од северен правец. Максималната температура ќе достигне 10 степени.
