Најстудено изутринава е на Попова Шапка, каде во 7 часот се измерени – 2 степена, а висината на снежната покривка изнесува 4 сантиметри. Нула степени се регистрирани во Крива Паланка, Берово, Маврови Анови и во Лазарополе, 1 во Тетово, Битола и во Крушево, 2 во Прилеп и Виница, 2 во Скопје-Петровец, Скопје-Зајчев Рид, Штип, Демир Капија и во Струмица, 4 во Охрид, 5 во Дојран, а 6 во Претор и во Гевгелија.
Управата за хидрометеоролошки работи најавива дека времето денеска ќе биде претежно облачно со повремени врнежи од дожд, а на планините од снег.
