Фату, западната низинска горила за која се верува дека е најстарата во светот, го прослави својот 65-ти роденден во зоолошката градина во Берлин минатата недела, објави Си-Ен-Ен.
„Нашата госпоѓа горила го прослави својот 65-ти роденден, со што стана најстарата горила на светот“, напиша зоолошката градина на Инстаграм.
„Традиционалната роденденска торта не можеше да се пропушти и оваа година. Роденденскиот оброк е секогаш нешто посебно за Фату“, велат од зоолошката градина.
Фотографиите со објавата го прикажуваа огромниот примат како ужива во оризова торта украсена со бобинки и овошје со број „65“.
Фату пристигнала во Берлин во 1959 година кога морнар користел млада горила за да си ја плати сметката во таверна во Марсеј, Франција, по што таа била возена низ Европа пред конечно да биде купена од зоолошката градина во Германија.
Се проценува дека таа имала само две години во моментот на нејзиното пристигнување.
Во 2019 година, Фату беше прогласена за „најстарата жива горила во заробеништво“ во Гинисовата книга на рекорди откако умре Труди, горила од 1956 година.
Фату е едно од ретките животни во берлинската зоолошка градина родени во дивината, се вели во соопштението.
Горилите обично живеат до 50 години во заробеништво, вели Гинис.
