Ако некој ви каже дека шише вино или премиум виски е продадено за 56 илјади евра, не звучи толку неверојатно, но токму толку е цената за која беше продадено шише вода на аукцијата организирана од Plan3t Foundation A.C. во Ла Хациенда де лос Моралес во Мексико.Стаклено шише обложено со злато е направено според уметничките дела на италијанскиот уметник Амедео Клементе Модилјани, а е дизајнирано од Фернандо Алтамирано, кој го потпишува и најскапото шише со коњак во светот (Dudognon Heritage Henri IV).
Средствата собрани од аукцијата беа донирани на фондацијата за борба против глобалното затоплување, а шишето од 750 мл влезе во Гинисовата книга на рекорди.
Водата за секое шише Acqua di Cristallo Tributo a Modigliani доаѓа од три извори на Земјата: Фиџи, Франција и Исланд, но тоа не е се – секоја капка содржи и златни честички за да биде алкална и поздрава од обичната вода.
