Пекинг забележа најмногу часови температури под нулата во декември во повеќе од седум децении, додека студен бран ја зафати северна и централна Кина, носејќи снежни бури и рекордно ниски температури, јавува Anadolu.
Од неделата, метеоролошката опсерваторија во кинеската престолнина забележа повеќе од 300 часа температури под нулата од 11 декември, најмногу од почетокот на евиденцијата во 1951 година, според официјалниот Пекинг Дејли.
Градот имаше девет последователни денови со температури под минус десет Целзиусови степени.
Делови од северна и централна Кина се погодени од ниски температури овој месец, а властите неколку пати ги затворија училиштата и автопатиштата поради снежното невреме.
Температурите на 78 метеоролошки станици низ земјата достигнаа рекордно ниско ниво за декември, додека просечните температури овој месец во северните и некои централни делови на Кина достигнаа рекордно ниско ниво од 1961 година, според Националниот метеоролошки центар.
