Најмалку едно лице загина, а повеќемина се повредени откако се урна влезната натстрешница на железничката станица во Нови Сад. Инцидентот се случи напладне. На самото место пристигнаа два багери за да ги откопаат урнатините, додека седум екипи на брзата помош и три противпожарни возила се на терен.
„Имаше повреди, и деца и возрасни, кога кровната конструкција падна на железничката станица“, се вели во објавата на инстаграм-профилот serbialive_novisad.
Се чека изјава од српското МВР за жртвите и повредените.
Градоначалникот на Нови Сад е на самото место, а министерот за градежништво, транспорт и инфраструктура, Горан Весиќ денеска ја прекина посетата на Црна Гора и се упати во Нови Сад.
