Најмалку 38 лица загинаа во поплавите во Индија и Пакистан за два дена
Најмалку 38 лица загинаа во поплавите предизвикани од обилните монсунски дождови во јужна Индија и Пакистан во последните два дена, соопштија властите.
На југот на Индија загинаа 33 лица.
Пет деца загинаа во Пакистан.
Во индиските држави Андра Прадеш и Телангана поројните дождови однесоа куќи, а патниот и железничкиот сообраќај беше во прекин.
Метеоролошката канцеларија издаде црвен аларм за 11 области во Индија бидејќи се предвидува повеќе дожд.
Повеќе од 4.000 луѓе се во 110 владини кампови.
Поплавените езера и потоци отсекоа некои села во областите Махабунагар и Налгонда.
Во градот Виџајавада, реката Будамеру поплави 40 отсто од градот и речиси 275.000 луѓе останаа заглавени во повеќе од десет станбени области.
Според официјалните податоци, од јуни, најмалку 170 луѓе загинале во шест североисточни индиски држави поради поплави и лизгање на земјиштето предизвикани од дожд.
Во соседен Пакистан, поројните поплави предизвикани од обилните монсунски дождови однесоа најмалку 300 животи од 1 јули.
Поплавата зафати десетици села и блокираше делови од Балучистан, каде беа оштетени околу 20.000 домови.
Катастрофите предизвикани од лизгање на земјиштето и поплавите се чести во Индија и Пакистан за време на сезоната на монсуните од јуни до септември. Научниците и метеоролозите тврдат дека поради климатските промени врнежите се многу пообилни во последните години.
