Најмалку 36 лица загинаа во пожари на хавајскиот остров Мауи, јавува Си-Ен-Ен (Си-Ен-Ен).
Луѓето се убиени во градот Лахаина на островот Мауи, соопштија тамошните власти.
Илјадници луѓе, особено на западната страна на Мауи, не можат да се јават на 911 или да ги известат семејствата за нивниот статус бидејќи струјата и комуникациите се исклучени, рекоа властите.
Болниците беа преполни, повеќе од 2.000 луѓе беа во засолништа во вторникот вечерта на Мауи, а неколку луѓе се водат како исчезнати, соопштија официјални лица.
Пожарите раселеа стотици, можеби илјадници луѓе на хавајскиот остров, соопштија властите.
Огнот е разгорен од силните ветрови на ураганот Дора. Ураганот се движел кон југ кога ненадејно го погодил островот Мауи.
Огнот гореше цела ноќ, а некои луѓе избегаа од пламените јазици во океанот. Се стравува дека бројот на жртви може да се зголеми.
Официјални лица изјавија дека 271 зграда биле оштетени или уништени, а десетици луѓе се повредени.
Шумските пожари на Хаваи се најновите во низата проблеми предизвикани од екстремните временски услови ширум светот ова лето.
