Според податоците на ОН, во серијата земјотреси во Авганистан досега загинале најмалку 320 луѓе, пренесува Sky news.
Регистриран е земјотрес со јачина од 6,3 степени според Геолошкиот институт на САД (USGS), а следните земјотреси биле северозападно од градот Херат.
Мула Џан Сајек, портпарол на авганистанското Министерство за управување со катастрофи, изјави дека земјотресите ги погодиле провинциите Фарах и Бадгис, каде што има извештаи за голема штета на куќите, но нема извештаи за жртви.
Силните земјотреси предизвикаа паника кај локалното население, па илјадници луѓе ги напуштија своите домови.
