Насилството изби во Папуа Нова Гвинеја по антивладиниот протест. Најмалку 15 лица загинаа во немирите, а толпата запали згради и уништи продавници. Премиерот Џејмс Марапе најави дека ќе ја сузбие анархијата.
Во средата безбедносните сили протестираа поради проблеми со платите, а на протестот набрзо се приклучија и други незадоволни граѓани и избувна насилство. Луѓето провалиле во продавници и ги ограбувале и палеле згради и автомобили. За неколку часа, немирите се проширија и во градот Леа, на околу 300 километри северно.
Премиерот денеска им се извини на граѓаните и увери дека нема да се толерираат изливи на анархија. Тие нема да ги постигнат своите цели со кршење на законот“, изјави Џејмс Марапе.
Полицијата потврди дека во насилството загинале најмалку 15 лица. Во најголемата болница биле примени 25 лица поради прострелни рани, а шест се здобиле со убодни рани.
До четврток навечер по локално време, ситуацијата во земјата во голема мера се смири, пишува АФП.
