Најмалку 13 лица загинаа во судир на автобус и камион на автопат во централна Индија, во областа Гуна во Мадја Прадеш, соопшти денеска полицијата.
Автобусот се запали по верижен судар со камион синоќа, а во пожарот во средата вечерта загинаа 12 патници на автобусот и возачот на камионот, изјави полицискиот претставник Аноп Баргава.
Тој рече дека уште 16 лица со изгореници или скршеници се префрлени во болница, пренесува АП.
Агенцијата потсетува дека сообраќајните несреќи со смртни последици се чести во Индија, често поради несовесно возење, лошо одржувани патишта и стари возила.
Повеќе од 110.000 луѓе годишно умираат во сообраќајни несреќи низ Индија, според полицијата.
