Руските сили бомбардираа повеќе од 100 локации во Украина во изминатите 24 часа, што е најголем број во еден напад од почетокот на годината.
„Во последните 24 часа непријателот гранатираше 118 локалитети во десет региони“, соопшти украинскиот министер за внатрешни работи Игор Клименко.
„Ова е најголемиот број на градови и села кои претрпеле напад од почетокот на годината“, се додава во соопштението на социјалните мрежи.
Од започнувањето на офанзивата во февруари 2022 година, руските сили истрелаа милиони артилериски гранати врз украинските градови и села во близина на линијата на фронтот.
