Најголемата кинеска нафтена рафинерија, „Синопек“, наводно пронашла сурова нафта и природен гас од новоотворените резерви со бунари длабоки околу 8.000 метри, во басенот Тарим во регионот Ксинџијанг, јавува Раша тудеј(РТ). Од наоѓалиштето би можело да се црпат 244 тони сурова нафта и 970.000 кубни метри природен гас дневно.
Нафтеното и гасното поле Шунбеи има 41 ултра-длабок бунар и е едно од најдлабоките комерцијални нафтени и гасни полиња на брегот, велат од компанијата. Тие очекуваат откритието да ја зајакне енергетската безбедност на Кина.
