Ако одредени делови од вашето тело се отечени, постои можност да се задржи повеќе вода во телото.
Иако човечкото тело се состои од 85 отсто вода, задржувањето на водата во нашето тело може да предизвика непријатно чувство.
Според нутриционистот Британи Дан, вишокот течност поминува низ бубрезите и се излачува преку мокрење, но понекогаш вишокот течност може да се заглави помеѓу органот и кожата. Ова се некои од причините зошто имате вишок вода во вашето тело.
Конзумирате премногу сол
Солената храна може да доведе до зголемување на телесната тежина. Ова е вообичаено нешто што се случува бидејќи солта ќе ја извлече водата, но тоа е обично краткорочен проблем.
Време на менструалниот циклус
Менструалниот циклус исто така може да биде виновен за зголемување на телесната тежина.
Многу жени имаат тенденција да задржуваат вода пред и за време на нивниот менструален циклус. Ова се должи на хормоналните промени за време на менструалниот циклус, што исто така може да доведе до осетливост на градите.
Јадете многу јаглехидрати
Јаглехидратите се уште една причина зошто вашето тело можеби задржува вишок вода.
Задржувањето на водата е под влијание на нашите енергетски резерви, односно гликогенот, кој складира три до четири грама вода за еден грам.
Кога ќе престанете да јадете јаглехидрати, вашето тело го користи вашиот гликоген за да го снабдува со енергија. Како што се троши складираниот гликоген, вишокот вода заминува.
Дехидрирани сте
Кога сте дехидрирани, вашето тело копнее за вода. Затоа, соодветно е дехидрацијата да резултира со задржување на водата за да се врати рамнотежата.
Според Клиниката Мејо, други симптоми на дехидрација вклучуваат поретко мокрење, вртоглавица, замор, екстремна жед и потемна урина.
Имате проблеми со тироидната жлезда
Ако работата на тироидната жлезда е забавена, лекарот треба да препише диуретик кој ќе помогне да се отстрани вишокот вода.
Доколку мислите дека имате проблем со тироидната жлезда, задолжително консултирајте се со лекар за да добиете адекватен третман, пренесува Klix.ba.
