Цената на енергенсите денеска ги надмина нивоата и од кризата во 2012 година. Нафтата денеска на берзите се продаваше и по цена и од 119 долари по барел, што е ниво од 2012 година. Цената се менува од час во час.
Цената на гасот, пак го надмина и очекувањето на Димитри Медведев, дека Европа ќе плаќа цена на гасот од 2.000 долари за 1.000 кубни метри. Во Европа оца цена веќе е надмината. Во Германија цената на гасот достигна 3.000 долари за 1. 000 кубни метри.
Експертите велат дека војната во Украина и санкциите кон русија ги плашат трговците дека идните месеци ќе падне испораката на „црното злато“ од Русија.
– Околу 30 отсто од европскиот увоз на гас и нафта, пристигнува од Русија, а земјата сочинува приближно 11 проценти од светското производство на нафта. Накратко кажано, инвеститорите стравуваат од стагфлациски шок и изјави Шејн Оливер, стратег во фондот АМП.
Русија е еден од најголемите извозници на енергенси во светот. Втор најголем извозник на нафта по саудиска арабија и најголем извозник на природен гас. Од русија во европа стигнува 40 отсто од вкупната испорака на гас и 30 отсто на нафта.
