На Рафаел Надал одамна не му се случило да биде расчистен на стартот од турнирот.
Томи Пол ја направи најголемата сензација на турнирот бидејќи во осминафиналето на Мастерсот во Париз го елиминира Надал со 3:6, 7:6(4), 6:1.
По средбата, Надал беше нерасположен, што не е чудно. Посебно внимание посветувал на семејството и синот Рафаел.
„Секогаш е тешко да се напушти домот. Искрено, само што овој пат е поинаква ситуација од вообичаената. Станав татко и од тогаш се се смени. Прилично е интересно што и по три недели од раѓањето на синот, со кој не можете да комуницирате бидејќи е многу мал, почнувате да ви недостига. Тоа е ново животно искуство. Сите промени се тешки во овој живот и само треба да се прилагодите. Секоја промена е тешка и можеби ќе ми биде тешко да се прилагодам за прв пат. Треба да бидам пофлексибилен. Ова искуство е уникатно во споредба со сите претходни што сум ги имал“, изјави Надал.
Во моментов вториот тенисер на планетата се најде во нова улога на татко. Сепак, тој веќе одлично ја научил улогата на сопруг, а со една реченица и оддаде почит на сопругата Марија Франциска Перело.
„Животот на оние кои патуваат е помалку тежок од животот на луѓето кои остануваат дома со бебе. Живееме во време на модерна технологија која ни овозможува да комуницираме со нашите најблиски преку видео повици. Додека сум на пат, ќе се видам со сопругата и синот преку видео повик“, објасни Шпанецот.
Тој најави дека планира да игра во Торино од 14 до 20 ноември.
„Ако ништо важно не се случи, верувам дека ќе бидам во Торино. Не играв многу оваа година, немав континуитет на игра и потребни се натпревари на Тур. Немам што да изгубам по добра година. Тешко е да се замисли да дојдеме во финалето на АТП во добра форма, доволно добро за да победиме на ваков турнир. Никогаш не го освоив во кариерата. За да играте против најдобрите во светот, треба да бидете во добар ритам од првиот ден, а тоа нема да се случи за мене. Единственото нешто што можам да направам е да стигнам рано, да тренирам и да дадам се од себе. Се надевам дека нивото на тенисот ќе биде добро и дека телото ќе издржи“, заврши Надал.
