Началникот и колегата заработија кривични пријави – Во видеото се „офајдија“ за 120 евра

Lorita
By Lorita 1 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

По снимката со началникот на смена на граничнио премин Блаце кој им бара 20 евра на лица за да влезат во Македонија и неговото апсење, МВР соопшти дека ќе покрене кривична пријава за примање поткуп за него (Е.Ш) и неговиот колега, другиот полицаец од видеото, З.Р. Ќе биде покрената и постапка за утврдување дисциплинска одговорност. Двајцата полицајци се суспендирани.

Телевизија Клан синоќа во емисијата го емитуваше видеото за наводниот Елхам Шкрета кој бил снимен од новинар на телевизиајта кој се претставил како патник. На крајот на началникот му оставаат вкупно 120 евра.

 

 

Како што соопшти МВР, полициските службеници до завршување на дисциплинската постапка се отстранети од работното место согласно одредбите од Колективниот договор на Министерството.

„Во врска со случајот со земање поткуп на граничниот премин Блаце, Одделот за внатрешна контрола, криминалистички истраги и професионални стандарди во координација со надлежното обвинителство, како и службите за внатрешна контрола на Република Косово и Република Албанија, го документираше кривично правниот настан и изврши службени разговори со полициските службеници“, информира МВР.

Share This Article