На видео од Холандија се гледаат возачи како ги кријат своите регистарски таблички пред камерите за проверка на емисија на штетните гасови. Токму пред семафорот каде што е поставена камерата, речиси сите возачи застануваат со возилата за да ја покријат регистарската табличка.
Многу европски градови воведоа „зони со ниски емисии“, односно зони со ограничен сообраќај, во кои е забранет пристапот на возила кои премногу загадуваат. Сообраќајните ограничувања, поврзани со сообраќајните казни доколку не се почитуваат, го отежнуваат секојдневното патување за многу возила кои не ги исполнуваат условите за влез во овие зони.
На возачите во Британија не им се допаднале камерите кои ги мониторираат ваквите зони, па едноставно решиле да ги уништат. Се жалат и возачите во други земји, но се снаоѓаат на многу посмирен начин, пишува Auto Klub.
Многумина користат селотејп, додека, пак, други ставаат кеси за да ги сокријат своите таблички.
