На социјалните мрежи се појави видео на кое се гледа како синовите на лидерот на Чеченија, Рамзан Кадиров, носат тројца заробени украински војници. Тие ги донесоа затворениците кај нивниот татко во градот Грозни. Кадиров гордо ги гледаше своите синови кои ги обучуваше и ги испрати на фронтот уште на почетокот на месецов, пишува Мондо.
Веста беше потврдена на Телеграм-каналот на Кадиров, иако првично се зборуваше за наводна монтажа. Во постот се вели дека синовите разговарале со заробените Украинци и дека тие им се жалеле оти се мобилизирани и испратени на фронтот како „топовско месо“. Наводно, им била дадена пушка со четири цевки, не им била дадена храна, а носеле стари униформи. Украинците наводно изгубиле 40 свои пријатели на фронтот.
– Би сакал да им се заблагодарам на сите мои драги браќа и припадници на племето кои, како дел од делегацијата, како и на претходните патувања во Донбас, направија многу плодна работа – вели Кадиров на Телеграм.
