На шпанскиот остров Тенерифе, пронајдено е тело на британскиот тинејџер Џеј Слејтер кој исчезна пред еден месец.
Во соопштението на шпанската полиција се вели дека спасувачите го пронашле телото во областа Маско, која припаѓа на општината Буенависта дел Норте.
Слејтер, 19-годишник од Ланкашир, исчезна откако присуствуваше на музички фестивал на островот пред четири недели. Последен пат бил виден како шета сам во националниот парк Рурал де Тено, нерамна и оддалечена област на спротивната страна на островот од туристичкото одморалиште каде што престојувал со пријателите.
Се сугерира дека лицето „можеби починало како последица од ненамерен пад од карпа и на непристапната област каде што е пронајдено телото“.
Шпанската полиција соопшти дека 29 дена вршела „континуирана потрага во која биле вклучени различни единици на цивилната одбрана, кои не престанале да го бараат ичезнатото момче во областа Маско.
